الجوانتي مش بتاعي ده هدية لصديقة عزيزة، واخر علاقتي بيه لما لبسته واتصورت بيه، ولا حبيت اعمله كنت قلقانة في البداية لأنه تجربتي الاولى في عالم الجوانتيات، لكن كان سهل جداً أخد وقت في البداية فك وشغل لغاية لما وصلت للنتيجة اللى عايزاها مش اكتر، وكمية الخيط المستخدمة قليلة فعلا، نبدأ في الطريقة.
الخطوات:
- 32 سلسلة او عدد السلاسل الكافي بحيث نعمل اسوارة حول المعصم، وبنقفل بمنزلقة أول سلسلة باخر سلسلة.
- 2 سلسلة، ثم غرزة نصف العمود لنهاية السطر، ونقفل بمنزلقة أول غرزة بأخر غرزة.
- 2 سلسلة، نصف عمود حتى أخر غرزتين في السطر، الغرزتين دول هنقص فيهم نشتغلهم غرزة واحدة، ونقفل السطر عادي.
- نصف عمود حتى اخر السطر ثم نغلق بمنزلقة.
- تكرار السطر الرابع.
- تكرار السطر الرابع
أنا كررت السطر ده لغاية لما وصلت لبداية أصبع الابهام. - 10 سلاسل، (أو العدد الكافي للدوران حول أصبع الابهام الخاص بكِ)، ثم نغلق بمنزلقة في الناحية الاخري فى اول غرزة متاحة، (عشان نفهم الخطوة ديه لازم نلبس الجوانتي، لأننا هنعمل عدد غرز كافية لأننا نكمل الجوانتي من غير صباع الابهام اللى هيكون خارج الجوانتي).
- السطر بما فيه العشر سلاسل هنشتغل عليه غرزة النصف عمود ثم نقفل أول غرزة في أخر غررزة.
- نصف عمود ثم نغلق بمنزلقة اول غرزة في أخر غرزة.
- تكرار السطر السابق حتى نصل للطول المطلوب، وفي حالة ملاحظة أن الجوانتي واسع ممكن نقفل اخر غرزتين بأسلوب التنقيص.
- لما نوصل للطلوب المطلوب نعمل سطر بلون مختلف بغرزة الحشو لتزيين الجوانتي.
- عدد سلاسل بعرض الفيونكة المطلوبة.
- 2 سلسلة بداية السطر، ثم غرزة نصف العمود حتى نهاية السطر.
- نقلب الشغل ونطلع 2 سلسلة ونكمل نصف عمود حتى نهاية السطر.
- نكرر السطر السابق حتى نصل لعرض الفيونكة المطلوب ونقفل ونقع الخيط ونخفيه.
- نقفل الفيونكة من المنتصف بقطعة مستطيلة، بنصنعها بأننا نشتغل 5 سلاسل وعليهم 3 غرز نصف عمود حتى الطول المطلوب ونقفل ونقطع الخيط ونخفيه.
- بالابرة الكبيرة والخيط نخيط اجزاء الفيونكة، ثم نخيط الفيونكة نفسها بالجوانتي.
